लेक लाडकी योजना

या योजनेनुसार एका कुटुंबातील एकच मुलगी पात्र असणार आहे
मात्र जुळ्या मुली एकत्रित जन्मल्या असतील तर त्या दोघीनांही या योजने चा लाभ मिळणार आहे. मात्र यामध्ये एक अट आहे कि तुम्हाला दुसऱ्या मुलीला लाभ मिळून द्यायचा असेल तर तुम्हाला दुसऱ्या मुलींसाठी लेक लाडकी योजनेचा अर्ज भरताना कुटुंब नियोजन प्रमाणपत्र सादर करणे बंधनकारक असेल. पहिल्या मुलीच्या वेळेस मात्र हि कुटुंब नियोजन प्रमाणपत्राची अट शिथिल राहील. हे प्रमाणपत्र प्राप्त करण्यासाठी तुम्हाला कुटुंब नियोजन शस्त्रक्रिया करणे बंधनकारक असेल. भारत सरकारने तसेच महाराष्ट्र शासनाने उपलब्ध केल्या प्रमाणे तुम्ही कुटुंब नियोजन  शस्त्रक्रिया तुमच्या जवळच्या सरकारी रुग्णालयात जाऊन करू शकता. कारण कि छोटा परिवार सुखी परिवार. 

प्रत्यक्ष पैसे बँक खात्यात कधी पर्यंत होणार जमा?

लेक लाडकी योजने ची अंमलबजावणी करताना त्यासाठी लागणारे पैसे किंवा सरकारी भाषेत म्हणायचे झाल्यास लेक लाडकी योजना चे बजेट हे वार्षिक तत्वावर सरकार पुरवणार आहे. जसे कि सण २०२३-२४ या आर्थिक वर्षासाठी या योजनेसाठी लागणारा निधी जवळपास २००० कोटी रुपये असेल आणि या रकमेची मागणी महिला व बालविकास विभागातर्फे महाराष्ट्र सरकारकडे केली असल्याची माहिती राज्याच्या महिला व बालविकास मंत्री श्रीमती अदिती तटकरे यांनी दिली. सादर लेक लाडकी योजने च्या निधी ची मागणी हि सरकारकडे नागपूर येथे चालू असलेल्या हिवाळी अधिवेशना मधेच केली असल्याची माहिती त्यांनी दिली. जसा महाराष्ट्र शासनाकडून या योजनेसाठी २०२३-२४ या आर्थिक वर्षाकरिता निधी मंजूर होऊन येईल तसे लगेच लाभार्थ्यांच्या खात्यात लेक लाडकी योजनेचा मदतीचा पहिला हप्ता हस्तांतरित केला जाईल. हा लाभ हस्तांतरित होण्यासाठी लाभार्थ्यांच्या अर्जाची, त्यांच्या कागतपत्रांची पडताळणी देखील होणे गरजेचे आहे. महाराष्ट्राच्या महिला व बाळ विकास विभागाने दिलेल्या माहितीनुसार अंगणवाडी सेविकेजवळ जमा केलेल्या लाभार्थ्यांच्या अर्जाची पडताळणी करण्यासाठी एक ऑनलाईन पोर्टल विकसित करण्यात येत आहे. या पोर्टल वर जमा झालेल्या डेटा च्या आधारेच लाभार्थ्यांच्या बँक खात्यामध्ये ऑनलाईन पद्धतीने आर्थिक मदत हस्तांतरित करण्यात येईल.